Back دير ميلك Arabic Абатство Мелк Bulgarian Abadia de Melk Catalan Klášter Melk Czech Stift Melk Danish Stift Melk German Αββαείο του Μελκ Greek Melk Abbey English Monaĥejo Melk Esperanto Abadía de Melk Spanish
Abati Melk, Stift Melk en alamaneg, zo un abati beneadat enAostria hag unan eus brudetañ manatioù kristen ar bed. Emañ e-kichen kêr Melk, dreist ar stêr Danav en Aostria Izel.
Savet e voe an abati e 1089, pa roas Leopold III, Margrav Aostria unan eus e gestell da veneadiz eus Abati Lambach. Ur skol a voe savet eno en XIIvet kantved ha brudet-bras e teuas he levraoueg da vezañ, gant he dastumad dornskridoù eus ar Grennamzer.
Etre 1702 ha 1736 e voe savet ar savadur a weler bremañ. Kinklet eo iliz ha levraoueg an abati gant freskennoù kaer livet d’ar mare-se.
Dre ma oa brudet-bras abati Melk eo deuet a-benn da badout betek an deiz a hiziv hep gouzañv re diwar an trubuilhoù diwasket gant abatioù all en Aostria da vare Brezelioù Napoleon pe da vare an Anschluss (stagidigezh Aostria ouzh Alamagn da vare an Nazied).
© MMXXIII Rich X Search. We shall prevail. All rights reserved. Rich X Search